Нойр ба эрүүл мэнд

6-12 насны хүүхэд өдөрт 9-12 цаг, 13-18 насны хүүхэд өдөрт 8-10 цаг унтвал хангалттай гэж үздэг.

Гэвч дунд ангийн 10 хүүхэд тутмын 6, ахлах ангийн 10 хүүхэд тутмын 7 нь хангалттай хэмжээний нойрыг авч чаддаггүй.

Шалтгаан нь:

• Бэлгийн бойжилтын үеийн дааврын өөрчлөлтүүд нь тэдний шөнийн нойрыг 1-2 цагаар хойшлуулдаг

• Дэлгэц, утас, комьпютерийн хэт их хэрэглээ

• Хичээл, сургуулийн дараах үйл ажиллагаа- хэт их гэрийн даалгавар, спортоор хичээллэх, найз нөхөдтэйгээ уулзах зэрэг нь унтах цагийг багасгадаг

• Нийгэм, сургуулийн амьдралд хэт их санаа зовних

• Эрүүл мэндийн шалтгааны улмаас (нойрны эмгэгүүд, нойрон дунд амьсгал тасалдах гэх мэт)

Нойрны хямрал удаан хугацаанд үргэлжилснээр:

• Өдрийн турш ядарч сульдах

• Анхаарал төвлөрөлт, хичээл сурлага муудах, сурах танин мэдэхүйн хэвийн үйл ажиллагаа алдагдах

• Уур уцаартай болох, эрсдэлт зан үйлд татагдах

• Гэмтэж бэртэх

• Спортын амжилтанд нөлөөлөх

• Сэтгэл гутрал, сэтгэл түгших эмгэгт өртөх эрсдлийг нэмэгдүүлэн сэтгэцийн эрүүл мэндэд үзүүлэх сөрөг үр дагавар ихтэй байна

Иймээс:

• Унтахаас өмнө аль болох тайвшруулах зүйлс хийх, энэ нь ном унших, усанд орох, бүлээн сүү уух, иога хийх гэх мэт.

• Унтахаас 1 цагийн өмнө дэлгэцийн бүх хэрэглээг зогсоох, чанга дуу хөгжим сонсохгүй байх

• Оройн цагаар кофе, цай, хийжүүлсэн ундаа, энергийн ундаа зэргийг хэрэглэхгүй

• Унтлагын өрөөний гэрлийг бүдэгрүүлэх, өрөөнд утас, тв үзэхгүй байх

• Тохиромжтой хэмжээний дасгал хөдөлгөөн өдрийн цагаар хийх

• Унтах, сэрэх цагийг тогтвортой байлгах

• Амралтын өдрүүдээр оройтож унтахаас зайлсхийгээрэй.

Эх сурвалж: Зинт клиникийн эмч: Т.Тунгалаг